काठमाडौंको गोकर्णेश्वर नगरपालिकामा अपाङ्गता भएका महिलामाथि हुने हिंसा र न्यायमा पहुँच सम्बन्धी अभिमुखीकरण कार्यक्रम सम्पन्न भयो, जसको आयोजना अपाङ्गता भएका महिलाहरुको महासंघ नेपालले र आर्थिक सहयोग अपाङ्गता अधिकार कोष (DRF) तथा महिला, बालबालिका तथा जेष्ठ नागरिक मन्त्रालयले गरेका थिए। कार्यक्रममा विभिन्न जनप्रतिनिधि र सरोकारवालाको सहभागिता रही, अपाङ्गता भएका महिलाहरु अन्य महिलाभन्दा बढी हिंसा र अन्यायको शिकार हुने भएकाले स्थानीय तहले दोषीलाई दण्डित गर्ने र पीडितलाई न्याय दिलाउनेमा सक्रिय हुनुपर्नेमा जोड दिइयो। वक्ताहरुले न्यायमा पहुँच राज्यको दायित्व भएको, अपाङ्गता भएका महिलाहरुको आत्मनिर्भरता तथा स्वरोजगारका लागि बजेट छुट्याउनुपर्ने र गोकर्णेश्वर नगरपालिका अपाङ्गता भएका व्यक्तिहरुको अधिकार सुनिश्चिततामा निरन्तर काम गरिरहेको बताएका थिए। कार्यक्रममा ३० भन्दा बढी सरोकारवालाको सहभागिता रहेको थियो।
